വീടിന് തീപിടിച്ച്‌ രണ്ട് പേര്‍ക്ക് പരിക്ക്
ഗ്യാസ് സിലിണ്ടര്‍ ഉടന്‍ മാറ്റിയതിനാല്‍ കൂടുതല്‍ അപകടം ഒഴിവായി
വീടിന് തീപിടിച്ച്‌ രണ്ട് പേര്‍ക്ക് പരിക്ക്
കോട്ടയം:പൂഞ്ഞാര്‍ പാതാമ്പുഴ മന്നത്ത് വീടിന് തീപിടിച്ചു. അപകടത്തില്‍ രണ്ട് പേര്‍ക്ക് പരിക്കേറ്റു. പുളിക്ക പറമ്പില്‍ അപ്പച്ചന്‍റെ ഭാര്യ ലില്ലികുട്ടിക്കാണ് പൊള്ളലേറ്റത്. രക്ഷാപ്രവര്‍ത്തനത്തിനിടെ അയല്‍വാസിയായ ആക്കപീടികയില്‍ റെജിക്കും പൊള്ളലേറ്റു. രാവിലെ 9.30-തോടെയായിരുന്നു അപകടം. ഉണങ്ങാനിട്ടിരുന്ന റബര്‍ ഷീറ്റിലേക്ക് വിറകടുപ്പില്‍ നിന്ന് തീ പടരുകയായിരുന്നു.
ഫയര്‍ഫോഴ്‌സും നാട്ടുകാരും പൊലീസും ചേര്‍ന്ന് തീയണച്ചു. ഇരുവര്‍ക്കും പരിക്ക് സാരമുള്ളതല്ല. ഗ്യാസ് സിലിണ്ടര്‍ ഉടന്‍ മാറ്റിയതിനാല്‍ കൂടുതല്‍ അപകടമൊഴിവായി. അടുക്കളയില്‍ ഉണ്ടായിരുന്ന ഉപകരണങ്ങള്‍ പൂര്‍ണ്ണമായും കത്തിനശിച്ചു .