കോട്ടയം: തിരുനക്കര ക്ഷേത്ര മൈതാനത്ത് (Thirunakkara Sree Mahadevar Temple Ground) നിന്നും പമ്പയിലേക്ക് (Sabarimala pilgrimage) എല്ലാ ദിവസവുമുള്ള കെ.എസ്‌.ആര്‍.ടി.സി (KSRTC Services) ബസ് വെള്ളിയാഴ്ച സർവീസ് ആരംഭിക്കും. ഏറ്റുമാനൂർ ക്ഷേത്രത്തിൽ (Ettumanoor Mahadevar Temple) നിന്നും രാത്രി എട്ട് മണിക്ക് പുറപ്പെടുന്ന ബസ് തിരുനക്കരയിലെത്തി ഒന്‍പതുമണിക്ക് യാത്ര ആരംഭിക്കും.
തിരുനക്കര ക്ഷേത്ര മൈതാനത്തുള്ള അയ്യപ്പ സേവാസംഘം ഓഫിസിൽ ടിക്കറ്റുകൾ മുൻകൂട്ടി ബുക്ക് ചെയ്യുന്നതിനുള്ള സൗകര്യം ഒരുക്കിയിട്ടുണ്ട്. ജില്ല ട്രാൻസ്പോർട്ട് ഓഫിസർ പി അനിൽകുമാർ, ദേവസ്വം അസി. കമ്മിഷണർ മുരാരി ബാബു, അയ്യപ്പ സേവാസംഘം സെക്രട്ടറി ജയകുമാർ തിരുനക്കര എന്നിവർ അറിയിച്ചു. ഫോൺ: 9446712893.