പോക്സോ കേസിൽ പ്രതിയായ അധ്യാപകൻ ആത്മഹത്യ ചെയ്തു

സ്കൂളിലെ സൂപ്രണ്ടും കൗൺസിലറും ഡ്രൈവറും ചേർന്ന് നടത്തിയ ഗൂഡാലോചനയിലാണ് തന്നെ പോക്സോ കേസിൽ കുടുക്കിയതെന്ന് ആത്മഹത്യാ കുറിപ്പിൽ പറയുന്നു.

കോട്ടയം:പോക്സോ കേസിൽ പ്രതിയായ സംഗീതാധ്യാപകൻ നരേന്ദ്രബാബുവിനെ വീടിന് സമീപത്തെ പുരയിടത്തിൽ തൂങ്ങി മരിച്ചനിലയിൽ കണ്ടെത്തി. ഏറ്റുമാനൂർ സര്‍ക്കാര്‍ മോഡൽ റസിഡൻഷ്യൽ സ്കൂളിലെ അധ്യാപകനായിരുന്നു. വീടിനോട് ചേർന്നുള്ള പുരയിടത്തിൽ കശുമാവിൽ തൂങ്ങിയ നിലയിലാണ് മൃതദേഹം കണ്ടെത്തിയത്. സ്കൂളിലെ സൂപ്രണ്ടും കൗൺസിലറും ഡ്രൈവറും ചേർന്ന് നടത്തിയ ഗൂഡാലോചനയിലാണ് തന്നെ പോക്സോ കേസിൽ കുടുക്കിയതെന്ന് ആത്മഹത്യാ കുറിപ്പിൽ പറയുന്നു.

ക​ഴി​ഞ്ഞ വ​ര്‍​ഷം ന​വം​ബ​റി​ലാ​ണ് ദ​ളി​ത് വി​ദ്യാ​ര്‍​ഥി​ക​ളെ ലൈം​ഗി​ക​മാ​യി പീ​ഡി​പ്പി​ച്ചെ​ന്ന ആ​രോ​പ​ണ​ത്തെത്തുടർന്ന് പോ​ക്സോ കേസിൽ അ​ധ്യാ​പ​ക​നെ അ​റ​സ്റ്റ് ചെയ്യുന്നത്. അ​റ​സ്റ്റി​ലാ​യ ഇ​ദ്ദേ​ഹത്തെ പി​ന്നീ​ട് റിമാന്‍ഡ് ചെയ്തിരുന്നു. മോശമായി സംസാരിച്ചു, അനാവശ്യമായി ശശീരത്തിൽ സ്പർശിച്ചു എന്ന വിദ്യാർഥികളുടെ പരാതിയിലായിരുന്നു അറസ്റ്റ്. കേസിൽ വിശദമായ അന്വേഷണം നടക്കവെയാണ് അധ്യാപകന്‍റെ മരണം. നാട്ടുകാർ വിവരമറിയിച്ചതിനെ തുടർന്ന് പൊലീ​സ് സ്ഥ​ല​ത്തെ​ത്തി ഇ​ന്‍​ക്വ​സ്റ്റ് നടപടികള്‍ പൂര്‍ത്തിയാക്കി മൃ​ത​ദേ​ഹം വൈക്കം താലൂക്ക് ആ​ശു​പ​ത്രി​യി​ലേ​ക്കു മാ​റ്റി. മൃ​ത​ദേ​ഹം പോസ്റ്റ് മോർട്ടത്തിന് ശേ​ഷം ബ​ന്ധു​ക്ക​ള്‍​ക്ക് വി​ട്ടു ന​ല്‍​കും.