ഉപതെരഞ്ഞെടുപ്പ് പ്രവചനം ശരിയായെന്ന് പി.സി ജോര്‍ജ്

ഇടതു മുന്നണിക്ക് മുൻതൂക്കം ലഭിക്കുമെന്ന തന്‍റെ മുൻ നിലപാട് ശരിയെന്ന് ജനഹിതം പുറത്ത് വന്നപ്പോൾ വ്യക്തമായെന്ന് പി.സി ജോര്‍ജ് പറഞ്ഞു.

കോട്ടയം : കേരളത്തിലെ ഉപതെരഞ്ഞെടുപ്പുകളിൽ തന്‍റെ പ്രവചനങ്ങൾ പ്രതിഫലിക്കുന്നതാണ് കാണാൻ കഴിഞ്ഞതെന്ന് പി.സി.ജോർജ് എം.എൽ.എ. ഇടതു മുന്നണിക്ക് മുൻതൂക്കം ലഭിക്കുമെന്ന തന്‍റെ മുൻ നിലപാട് ശരിയെന്ന് ജനഹിതം പുറത്ത് വന്നപ്പോൾ വ്യക്തമായെന്ന് കേരളാ ജനപക്ഷം രക്ഷാധികാരി കൂടിയായ പി.സി.ജോർജ് വ്യക്തമാക്കുന്നു.

കോന്നിയിൽ അടൂർ പ്രകാശിനും, വട്ടിയൂർകാവിൽ കെ.മുരളീധരനും വ്യക്തമായ പ്രാധാന്യവും സ്വാധീനവും ഉണ്ട്. ഇതു കാണാതെയുള്ള യു.ഡി.എഫ് സ്ഥാനാർഥി നിർണയം പരാജയത്തിന് വഴിവെയ്ക്കുമെന്നായിരുന്നു പി.സി ജോർജിന്‍റെ പ്രവചനം. എറണാകുളം എൽ.ഡി.എഫ് സ്ഥാനാർഥിയായ മനു റോയിക്ക് സ്വാധീനമില്ലാത്ത മണ്ഡലമാണ്. മനു റോയി മണ്ഡലത്തിലെ വോട്ടർ അല്ലാത്തത് യു.ഡി.എഫിന് ഗുണം ചെയ്തുവെന്നാണ് പി.സി ജോർജിന്‍റെ പക്ഷം.