കോട്ടയം: നടിയെ അക്രമിച്ച കേസില്‍ വീണ്ടും വിവാദ പരാമര്‍ശവുമായി പിസി ജോര്‍ജ്. കേസ് ഉണ്ടായത് കൊണ്ട് ആണ് അതിജീവിതയെ എല്ലാവരും അറിഞ്ഞതെന്നും സംഭവത്തിന് ശേഷം അതിജീവിതക്ക് നിരവധി സിനിമകള്‍ കിട്ടുന്നുണ്ടെന്നും പിസി ജോര്‍ജ് പറഞ്ഞു. കോട്ടയം പ്രസ് ക്ലബ്ബില്‍ ബഫര്‍ സോൺ വിഷയവുമായി ബന്ധപ്പെട്ട വാര്‍ത്ത സമ്മേളനത്തിലാണ് പിസി ജോര്ജിന്റെ വിവാദ പരാമര്‍ശം.
'കേസ് ഉണ്ടായത് കൊണ്ട് അവര്‍ക്ക് നിരവധി സിനിമകള്‍ കിട്ടുന്നുണ്ട്': നടിയെ അക്രമിച്ച കേസില്‍ വീണ്ടും വിവാദ പരാമര്‍ശവുമായി പിസി ജോര്‍ജ്
വിവാദ പരാമര്‍ശം ഉണ്ടായതോടെ വാര്‍ത്താസമ്മേളനത്തില്‍ പങ്കെടുത്ത മാധ്യമപ്രവര്‍ത്തകര്‍ ഇത് ചോദ്യം ചെയ്‌തു. എന്നാല്‍ രൂക്ഷമായ ചോദ്യങ്ങള്‍ ഉണ്ടായിട്ടും നിലപാട് തിരുത്താന്‍ പി സി ജോര്‍ജ് തയ്യാറായില്ല. പറഞ്ഞതില്‍ നിങ്ങള്‍ക്ക് പരാതി ഉണ്ടെങ്കില്‍ കേസ് എടുത്തോളൂ എന്നായിരുന്നു പിസി ജോര്‍ജ് ഇതിന് മറുപടി പറഞ്ഞത്.