കോട്ടയം :സോളാർ പീഡന കേസ് സി.ബി.ഐ ഏറ്റെടുത്തതില്‍ പ്രതികരണവുമായി മുതിര്‍ന്ന കോണ്‍ഗ്രസ് നേതാവ് ഉമ്മൻചാണ്ടി. സി.ബി.ഐ അന്വേഷണത്തിൽ ഭയമില്ല. ഇടതുസർക്കാർ അഞ്ചുകൊല്ലം അന്വേഷിച്ചിട്ടും ഒരു നടപടിയും എടുത്തിട്ടില്ലെന്ന് അദ്ദേഹം മാധ്യമങ്ങളോടു പറഞ്ഞു.
സോളാർ പീഡന കേസ് സി.ബി.ഐ ഏറ്റെടുത്തതില്‍ പ്രതികരണവുമായി ഉമ്മൻചാണ്ടി.
നിയമം അതിന്‍റെ വഴിക്ക് പോകും. ജാമ്യമില്ലാത്ത വകുപ്പ് ചുമത്തിയിട്ടും തങ്ങളാരും കോടതിയെ സമീപിച്ചിട്ടില്ലെന്നും അദ്ദേഹം പറഞ്ഞു.
സി.ബി.ഐ തിരുവനന്തപുരം യൂണിറ്റാണ് കേസിന്‍റെ ചുമതല. തിരുവനന്തപുരം, കൊച്ചി സി.ജെ.എം കോടതികളിൽ സി.ബി.ഐ സംഘം എഫ്.ഐ.ആർ സമർപ്പിച്ചു.