കോട്ടയം: കൂടുതൽ ആളുകൾ തങ്ങൾക്കൊപ്പം വരുമെന്ന മോൻസ് ജോസഫിന്റെ അവകാശ വാദം തള്ളി കേരള കോണ്‍ഗ്രസ് നേതാവും ഗവ. ചീഫ് വിപ്പുമായ ഡോ.എൻ. ജയരാജ്. ജോസഫ് ഗ്രൂപ്പിന്‍റെ കാൽക്കീഴിലെ മണ്ണ് ഒലിച്ചു പോവുന്ന കാര്യം അവർക്ക് വൈകാതെ മനസിലാവുമെന്ന് ജയരാജ് പറഞ്ഞു. എതിർ വിഭാഗം മനഃപൂർവം തെറ്റിദ്ധാരണ പരത്തുകയാണെന്നും അദ്ദേഹം പറഞ്ഞു.
കേരള കോണ്‍ഗ്രസ് ജോസഫ് വിഭാഗത്തിനെതിരെ രൂക്ഷ വിമര്‍ശനവുമായി ഡോ.എൻ. ജയരാജ്.
അഞ്ച് എം.എൽ.എമാരും എം.പിയും നിരവധി ജനപ്രതിനിധികളുമുള്ള കേരള കോൺഗ്രസ് എമ്മിലേക്കാണ് ആളുകൾ വന്നുചേരുന്നത്. കഴിഞ്ഞ ദിവസങ്ങളിൽ വിവിധ രാഷ്ട്രീയ പാർട്ടികളിൽ പ്രവർത്തിക്കുന്നവർ പാർട്ടിയിൽ ചേരാൻ താല്‍പര്യം പ്രകടിപ്പിച്ച് ചർച്ച നടത്തിയിട്ടുണ്ടെന്നും ജയരാജ് പറഞ്ഞു.