കോട്ടയം: കോട്ടയം മെഡിക്കല്‍ കോളജില്‍ നിന്നും കുഞ്ഞിനെ തട്ടികൊണ്ട് പോയ സംഭവം ആസൂത്രിതമെന്ന് മെഡി.വിദ്യാഭ്യാസ ജോയിന്‍റ് ഡയറക്‌ടര്‍ തോമസ് മാത്യു. ആശുപത്രിയില്‍ സുരക്ഷാ വീഴ്‌ചയുണ്ടായിട്ടില്ല. കേസിലെ പ്രതി നീതുവിന് ആശുപത്രിക്കുള്ളില്‍ നിന്നും സഹായം കിട്ടിയതായി തോന്നുന്നില്ലെന്നും തോമസ് മാത്യു പറഞ്ഞു.
കോട്ടയത്ത് കുഞ്ഞിനെ തട്ടികൊണ്ട് പോയത് ആസൂത്രിതമെന്ന് റിപ്പോര്‍ട്ട്
കാഴ്‌ചയില്‍ ഡോക്‌ടറാണെന്ന് തോന്നിപ്പിച്ച നീതുവിന്‍റെ പെരുമാറ്റത്തില്‍ ആര്‍ക്കും സംശയം തോന്നിയില്ല. ഒരു മിനിറ്റ് കൊണ്ടാണ് പ്രതി കുട്ടിയുമായി പുറത്ത് കടന്നത്. ഒപ്പമുണ്ടായിരുന്ന ആണ്‍കുട്ടിയെ വാർഡിന് പുറത്ത് നിര്‍ത്തിയ ശേഷം അകത്തെത്തി കേസ് ഷീറ്റ് പരിശോധിച്ച്‌ കുഞ്ഞിനെ വാങ്ങി കൊണ്ടു പോവുകയായിരുന്നു.