എംഎൽഎ സ്ഥാനം രാജിവെക്കില്ല, പുതിയ പാർട്ടി പ്രഖ്യാപനം നാളെ: മാണി സി.കാപ്പൻ

എൻസിപിയിൽ നിന്ന് രാജിവച്ചതിന് പിന്നാലെയാണ് മാണി സി.കാപ്പന്‍റെ പ്രതികരണം

കോട്ടയം: എംഎൽഎ സ്ഥാനം രാജിവെക്കില്ലെന്നും മറ്റ് സ്ഥാനമാനങ്ങൾ രാജിവെക്കുമെന്നും മാണി സി.കാപ്പൻ. എൻസിപിയിൽ നിന്ന് രാജിവച്ചതിന് പിന്നാലെയാണ് കാപ്പന്‍റെ പ്രതികരണം. പുതിയ പാർട്ടി തിങ്കളാഴ്ച പ്രഖ്യാപിക്കുമെന്നും യുഡിഎഫിൽ ഘടകകക്ഷിയാകുമെന്നും അദ്ദേഹം പറഞ്ഞു. മന്ത്രി എംഎം മണി വാ പോയ കോടാലിയാണെന്നും കാപ്പൻ പരിഹസിച്ചു. യുഡിഎഫ് വിട്ട ചാഴിക്കാടനും റോഷി അഗസ്റ്റിനും ജയരാജും ആദ്യം രാജിവെച്ച് ധാർമികത കാണിക്കട്ടെയെന്നും കാപ്പൻ പറഞ്ഞു.