കോട്ടയം: പണികഴിപ്പിച്ച പുതിയ മാലിന്യ സംസ്കരണ കേന്ദ്രം തുറന്ന് പ്രവര്‍ത്തിപ്പിക്കാന്‍ വൈകുന്നതില്‍ പ്രതിഷേധിച്ച് എസ്‌ഡിപിഐ മാര്‍ച്ച്. നടക്കല്‍ തേവരുപാറ ഡംപിങ് യാര്‍ഡിലെ മാലിന്യ സംസ്കരണ കേന്ദ്രമാണ് തുറക്കാൻ വൈകുന്നത്. എസ്‌ഡിപിഐ നടക്കല്‍ മേഖലാ കമ്മറ്റിയുടെ നേതൃത്വത്തില്‍ നഗരസഭാ ഓഫീസിന് മുന്നില്‍ നടത്തിയ പ്രതിഷേധ ധര്‍ണ മണ്ഡലം പ്രസിഡന്‍റ് സുബൈര്‍ വെള്ളാപ്പള്ളി ഉദ്ഘാടനം ചെയ്തു. നഗരസഭയുടെ ഉദാസീനത മൂലം ഒരു നാട് മുഴുവന്‍ മലിനജലം കുടിക്കുകയാണെന്ന് സുബൈര്‍ വെള്ളാപ്പള്ളി പറഞ്ഞു. മീനച്ചിലാറ്റിലെ ജലമാണ് പമ്പ് ചെയ്ത് ജനങ്ങള്‍ക്ക് നല്‍കുന്നത്. മാലിന്യ പ്രശ്നത്തിന് ശാശ്വത പരിഹാരം കാണാന്‍ നഗരസഭ തയ്യാറാകണം. ഇല്ലെങ്കില്‍ പ്രതിഷേധം ശക്തമാക്കുമെന്ന് സുബൈര്‍ വെള്ളാപ്പള്ളി പറഞ്ഞു.
ഈരാറ്റുപേട്ട നഗരസഭയിലേക്ക് എസ്‌ഡിപിഐ മാര്‍ച്ച്