കോട്ടയം: ടോറസ് വാഹനത്തിന്‍റെ അടിയില്‍പ്പെട്ട് സ്‌കൂട്ടറിൽ സഞ്ചരിക്കുകയായിരുന്ന കോളജ് വിദ്യാർഥിയ്ക്ക്‌ ദാരുണാന്ത്യം. ചോറ്റി ചിറ്റടി പറമ്പിൽ വീട്ടിൽ സതീഷ് ചന്ദ്രൻ്റെ മകൻ പി.എസ് ഡയസാ(26)ണ് മരിച്ചത്. ഉച്ചയ്ക്ക്‌ മൂന്നോടെ തുറുവേലിക്കുന്നിനിടെയിലുള്ള പാലത്തിലായിരുന്നു സംഭവം.
പിന്നിൽ നിന്ന് വരികയായിരുന്ന വാഹനം സ്‌കൂട്ടറിനെ മറികടക്കുന്നതിനിടെയാണ് അപകടം നടന്നത്. സ്‌കൂട്ടറില്‍ ഇടിയ്ക്കു‌കയും തുടര്‍ന്ന് തെറിച്ചുവീഴുകയും ചെയ്‌ത വിദ്യാര്‍ഥിയുടെ ശരീരത്തിലൂടെ ചരക്ക് വാഹനം കയറിയിറങ്ങുകയുമായിരുന്നു. ഉടൻതന്നെ വൈക്കം താലൂക്ക് ആശുപത്രിയിലും തുടർന്ന് കോട്ടയം മെഡിക്കൽ കോളജ് ആശുപത്രിയിലും എത്തിച്ചുവെങ്കിലും ജീവൻ രക്ഷിക്കാനായില്ല.