എരുമേലിയിൽ ഉരുൾപൊട്ടൽ ; എൻഡിആർഎഫ് സംഘം സ്ഥലത്ത്

വൈകിട്ട് ജില്ലയുടെ മലയോര മേഖലകളിൽ ശക്തമായ മഴ മുന്നറിയിപ്പുണ്ട്

കോട്ടയം :എരുമേലി തെക്ക് വില്ലേജിൽ ഏഞ്ചൽ വാലി ഭാഗത്ത് ഉരുൾപൊട്ടിയതായി റിപ്പോർട്ട്. എൻഡിആർഎഫ് സംഘം സ്ഥലത്തെത്തി. ഉരുൾപൊട്ടിയത് വനത്തിലാണെന്നും വെള്ളം വീടുകളിൽ കയറിയെങ്കിലും ഒഴുകിപ്പോയതായുമാണ് വിവരം.

വൈകിട്ട് ജില്ലയുടെ മലയോര മേഖലകളിൽ ശക്തമായ മഴ സാധ്യതയുള്ളതായും സംസ്ഥാന ദുരന്ത നിവാരണ അതോറിറ്റിയുടെ മുന്നറിയിപ്പുണ്ട്. വെള്ളിയാഴ്‌ച ജില്ലയിൽ ഓറഞ്ച് അലർട്ട് പ്രഖ്യാപിച്ചു.