കോട്ടയം: മെഡിക്കല്‍ കോളജിന് സമീപം ലോട്ടറി വില്‍പനക്കാരിയെ തലക്കടിച്ചു കൊലപ്പെടുത്തിയ കേസിൽ പ്രതിയെ അറസ്റ്റ് ചെയ്‌തു. കൊല്ലപ്പെട്ട തൃക്കൊടിത്താനം സ്വദേശി പൊന്നമ്മക്കൊപ്പം താമസിച്ചിരുന്ന സത്യനാണ് അറസ്റ്റിലായത്.
ലോട്ടറി വില്‍പനക്കാരിയെ തലക്കടിച്ച് കൊലപ്പെടുത്തിയ കേസിൽ പ്രതി അറസ്റ്റില്‍
സ്‌ത്രീക്ക് ഒപ്പം താമസിച്ചിരുന്ന സത്യനെയാണ് പൊലീസ് അറസ്റ്റ് ചെയ്‌തത്
കത്തിക്കരിഞ്ഞ നിലയില്‍ സ്‌ത്രീയുടെ മൃതദേഹം; പ്രതി അറസ്റ്റിൽ
ഈ മാസം 13ന് ആയിരുന്നു മെഡിക്കല്‍ കോളജ് വളപ്പില്‍ പൊന്നമ്മയെ മരിച്ച നിലയിൽ കണ്ടെത്തിയത്. ഇരുവരുo തമ്മിലുണ്ടായ തർക്കമാണ് കൊലപാതകത്തിലേക്ക് കലാശിച്ചതെന്ന് പ്രതി പൊലീസില്‍ മൊഴി നല്‍കി. തർക്കത്തിനിടെ പൊന്നമ്മ കല്ലുകൊണ്ട് മര്‍ദിച്ചെന്നും താന്‍ തിരിച്ച് പൊന്നമ്മയെ തലക്കടിച്ചുവെന്നും മരണം ഉറപ്പാക്കാന്‍ നിലത്തിട്ട് വീണ്ടും മര്‍ദിച്ചുവെന്നും മൊഴിയില്‍ പറയുന്നു. പൊന്നമ്മയുടെ മാലയും പണവും കൈക്കലാക്കിയെന്നും ഇയാൾ സമ്മതിച്ചിട്ടുണ്ട്. ചോദ്യം ചെയ്യലിൽ കുറ്റസമ്മതം നടത്തിയ പ്രതിയുടെ അറസ്റ്റ് രേഖപ്പെടുത്തി ഗാന്ധിനഗര്‍ പൊലീസ് മെഡിക്കല്‍ കോളജില്‍ എത്തിച്ച് തെളിവെടുപ്പ് നടത്തി.
മരിച്ചത് പൊന്നമ്മയാണോ എന്ന് തിരിച്ചറിയാൻ ഡിഎന്‍എ പരിശോധനയടക്കം നടത്തിയിരുന്നു. പൊന്നമ്മയാണ് മരിച്ചതെന്ന് വസ്‌ത്രങ്ങള്‍ ഉള്‍പ്പെടെ പരിശോധിച്ച് മകള്‍ ഉറപ്പു വരുത്തി.
Last Updated : Jul 16, 2019, 1:46 PM IST