കോട്ടയം: ലോക്സഭാ തെരഞ്ഞെടുപ്പിൽ കോട്ടയം മണ്ഡലത്തിലെ വോട്ടെണ്ണലിനുള്ള ക്രമീകരണങ്ങൾ പൂർത്തിയായതായി ജില്ലാ കലക്ടർ പി കെ സുധീർ ബാബു. കോട്ടയം മൗണ്ട് കാർമൽ സ്കൂൾ, എംഡി സെമിനാരി സ്കൂൾ, ബസേലിയസ് കോളജ് എന്നിവിടങ്ങളിലാണ് കോട്ടയം മണ്ഡലത്തിലെ വോട്ടെണ്ണൽ നടക്കുക. നാളെ രാവിലെ എട്ടിന് വോട്ടെണ്ണൽ ആരംഭിക്കും. ഏഴ് കേന്ദ്രങ്ങളിലായാണ് വോട്ടെണ്ണൽ നടക്കുക. വോട്ടെണ്ണൽ കേന്ദ്രങ്ങളുടെ എല്ലാ ഒരുക്കങ്ങളും പൂർത്തിയായതായി ജില്ലാ വരണാധികാരി കൂടിയായ ജില്ലാ കലക്ടർ പി കെ സുധീർ ബാബു അറിയിച്ചു.
കോട്ടയത്തെ വോട്ടെണ്ണൽ കേന്ദ്രങ്ങളിലെ ഒരുക്കങ്ങൾ പൂർത്തിയായി