കോട്ടയം : കേരളാ കോൺഗ്രസ് എമ്മിലെ അധികാരത്തർക്കത്തില്‍ സമവായത്തിന് കളം ഒരുങ്ങുന്നു. പിജെ ജോസഫ് - ജോസ് കെ മാണി വിഭാഗങ്ങൾ തമ്മിലുള്ള അധികാര വടംവലി തെരുവ് യുദ്ധം വരെ എത്തിയ സാഹചര്യത്തിലാണ് സമവായ ചർച്ചയ്ക്ക് ഇരു വിഭാഗവും തയ്യാറാകുന്നത്. പാർട്ടിയിലെ എംപിമാരെയും എംഎൽഎമാരെയും മുതിർന്ന നേതാക്കളെയും ഉൾപ്പെടുത്തി യോഗം ചേരണമെന്ന ആവശ്യം ഇരുവിഭാഗങ്ങളും ഉന്നയിച്ചിരുന്നു. ഇതിന് പിന്നാലെയാണ് പ്രശ്ന പരിഹാരത്തിന് സമവായ ചർച്ചയാണ് വേണ്ടതെന്നും അതിനു വേണ്ട വഴിയൊരുക്കുമെന്ന പ്രതികരണവുമായി പിജെ ജോസഫ് വിഭാഗം നേതാവ് മോൻസ് ജോസഫ് രംഗത്ത് എത്തിയിരിക്കുന്നത്.
കേരള കോണ്‍ഗ്രസില്‍ തർക്കം തീരുന്നു; ചർച്ചയാകാമെന്ന് ധാരണ