പന്തീരങ്കാവ് യു.എ.പി.എ​: 'പൊലീസ് കേന്ദ്രസര്‍ക്കാരിന് അനുകൂലമായി'; വിമര്‍ശനവുമായി കാനം

യു.എ.പി.എ വിഷയത്തില്‍ ഇന്ത്യയൊട്ടാകെ ഇടതുപക്ഷത്തിന് ഒരു നിലപാടാണെന്നും കാനം.

കോട്ടയം:പന്തീരങ്കാവ് യു.എ.പി.എ​ കേസിൽ സർക്കാരിനെ പരോക്ഷമായി വിമർശിച്ച് സി.പി.ഐ സംസ്ഥാന സെക്രട്ടറി കാനം രാജേന്ദ്രൻ. യു.എ.പി.എ കേസുകളിൽ ഇന്ത്യയൊട്ടാകെ ഇടതുപക്ഷത്തിന് ഒരു നിലപാടുണ്ട്. കരിനിയമങ്ങൾ മനുഷ്യാവകാശ ലംഘനമെന്നാണ് അത്.

ഇടതു സർക്കാർ യു.എ.പി.എ കേസ് എടുക്കാൻ പാടില്ലാത്തതാണ്. കേന്ദ്ര ഗവൺമെന്‍റിന് അനുകൂലമായി സംസ്ഥാന പൊലീസ് വകുപ്പിന് പോകേണ്ടിവന്നു. സി.പി.ഐ നേരത്തെ തന്നെ, അലന്‍ - താഹ കേസിനെതിരെ നിലപാട് വ്യക്തമാക്കിയതാണെന്നും കാനം പറഞ്ഞു.