കോട്ടയം: പാലാ അൽഫോൻസാ കോളജില്‍ ഗാന്ധിദർശൻ പ്രദർശനത്തിന് തുടക്കമായി. കോളജിലെ ഗാന്ധിയൻ പഠന കേന്ദ്രത്തിന്‍റെ നേതൃത്വത്തിലാണ് ഗാന്ധിജിയുടെ ജിവിതത്തിലെ പ്രധാന സംഭവങ്ങൾ കോർത്തിണക്കി ഫോട്ടോ പ്രദർശനം ആരംഭിച്ചത്. മഹാത്മാഗാന്ധിയുടെ നൂറ്റി അന്‍പതാം ജന്മവാർഷികത്തോടനുബന്ധിച്ചാണ് ഗാന്ധിയൻ പഠനകേന്ദ്രത്തിന്‍റെ ആഭിമുഖ്യത്തിൽ ഗാന്ധിദർശൻ എന്ന പേരിൽ പ്രദർശനമാരംഭിച്ചിരിക്കുന്നത്. കോളജ് ഓഡിറ്റോറിയത്തില്‍ നടക്കുന പ്രദർശനത്തിൽ പൊതു ജനങ്ങൾക്കും പ്രവേശനം സൗജന്യമാണ്. ഗാന്ധിജിയുടെ ജീവിതം, ദർശനങ്ങൾ, മൂല്യങ്ങൾ, എന്നിവയെക്കുറിച്ചുള്ള അറിവ് ജനങ്ങളിലെത്തിക്കുന്നതിനാണ് പ്രദർശനം സംഘടിപ്പിച്ചിരിക്കുന്നത്.
ഗാന്ധി ജീവിതത്തിലെ ഏടുകള്‍ കോര്‍ത്തിണക്കി ഗാന്ധിദര്‍ശന്‍ പ്രദര്‍ശനം