കോട്ടയം:കനത്ത മഴയില്‍ ജില്ലയിലെ മത്സ്യ കര്‍ഷകര്‍ക്ക് വന്‍ നാശനഷ്‌ടം. കിഴക്കന്‍ വെള്ളത്തിന്‍റെ വരവില്‍ വൈക്കം മേഖലയിലാണ് ഏറ്റവും കൂടുതല്‍ നാശം റിപ്പോര്‍ട്ട് ചെയ്‌തത്. വാളോർമംഗലത്തെ കുന്നക്കാട്ടുവേലിൽ മാമലശേരിൽ സി.ബി രഘുവിന്‍റെ ഫാമിലെ മത്സ്യ കുഞ്ഞുങ്ങൾ കൂട്ടത്തോടെ ചത്തുപൊങ്ങി.
വൈക്കം മേഖലയില്‍ മത്സ്യകൃഷി നശിച്ചു
രണ്ടേമുക്കാൽ ഏക്കർ വിസ്‌തൃതിയുള്ള ഫാമാണ് നശിച്ചത്. കനത്ത മഴയില്‍ കിഴക്കൻ വെള്ളം കലർന്നാണ് ഫാമിലെ മത്സ്യങ്ങള്‍ ചത്തതെന്നാണ് വിലയിരുത്തുന്നത്. 10 ലക്ഷത്തിന്‍റെ നഷ്‌ടമുണ്ടായെന്നാണ് കണക്കാക്കുന്നത്. നശിച്ചവയില്‍ പൂർണ വളർച്ചയെത്തിയ കരിമീനുകളാണ് ഏറെയും.