വൈക്കത്തെ യുഡിഎഫ് സ്ഥാനാർഥി പിആർ സോനയ്ക്ക് ഇരട്ടവോട്ട്

കോട്ടയം നഗരസഭയിലെ ഒൻപതാം വാർഡിലും കുടുംബ വീടുള്ള നോർത്ത് പറവൂരിലുമാണ് സോനയ്ക്ക് വോട്ടുള്ളത്.

കോട്ടയം :വൈക്കം മണ്ഡലത്തിലെ യുഡിഎഫ് സ്ഥാനാർഥി പിആർ സോനയ്ക്ക് ഇരട്ടവോട്ട്. കോട്ടയം നഗരസഭ ഒൻപതാം വാർഡിലും കുടുംബ വീടുള്ള നോർത്ത് പറവൂരിലുമാണ് സോനയ്ക്ക് വോട്ടുള്ളത്. കൂടാതെ രണ്ട് തിരിച്ചറിയൽ കാർഡ് ഉള്ളതായും കണ്ടെത്തിയിട്ടുണ്ട്. കെപിസിസി ജനറൽ സെക്രട്ടറിയും കോട്ടയം നഗരസഭ മുൻ ചെയർപേഴ്‌സണും നിലവിൽ കൗൺസിലറുമാണ് സോന.