പാലായില്‍ ആളില്ലാത്ത വീട്ടില്‍ അജ്ഞാത ജഡം കണ്ടെത്തി

മുരിക്കുംപുഴയിൽ ഇതരസംസ്ഥാന തൊഴിലാളികൾ താമസിച്ചിരുന്ന വീട്ടിലെ കുളിമുറിയിലാണ് ജഡം കണ്ടെത്തിയത്

കോട്ടയം: ആളൊഴിഞ്ഞ വീട്ടിൽ നിന്നും അജ്ഞാത ജഡം കണ്ടെത്തി. പാലാ മുരിക്കും പുഴയിൽ ഇതരസംസ്ഥാന തൊഴിലാളികൾ താമസിച്ചിരുന്ന വീടാണിത്. ഇവിടെ താമസിച്ചിരുന്നവര്‍ കൊവിഡിനെ തുടർന്ന് നാട്ടിലേക്ക് തിരിച്ചുപോയി. കടുത്ത ദുർഗന്ധം അനുഭവപ്പെട്ടതിനെ തുടർന്ന് അയൽവാസികൾ നടത്തിയ തെരച്ചിലിൽ കുളിമുറിയിൽ നിന്നാണ് മൃതദേഹം കണ്ടെത്തിയത്. വീടിന് മുമ്പിൽ നിന്നും മദ്യക്കുപ്പികൾ കണ്ടെത്തി.