കുറ്റാലം വെള്ളച്ചാട്ടത്തില്‍ സഞ്ചാരികള്‍ മരിച്ച സംഭവം; വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ല്‍ നിരോധനം ഏര്‍പ്പെടുത്തി തമിഴ്‌നാട് സര്‍ക്കാര്‍

കുറ്റാലം വനത്തില്‍ മഴ പെയ്‌തതിനാലാണ് അപ്രതീക്ഷിതമായ മലവെള്ളപ്പാച്ചില്‍ ഉണ്ടായത്. വനത്തില്‍ മഴ തുടരുന്ന സാഹചര്യത്തില്‍ മലവെള്ളപ്പാച്ചിലിനും ഉരുള്‍പൊട്ടലിനുമുള്ള സാധ്യത കണക്കിലെടുത്താണ് നിരോധനം

കൊല്ലം: ത​മി​ഴ്‌നാ​ട്ടി​ലെ വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ല്‍ കര്‍ശന നിയന്ത്രണവും നിരോധനവും ഏര്‍പ്പെ​ടു​ത്തി സ​ര്‍​ക്കാ​ര്‍. മലവെള്ളപ്പാച്ചിലിനെ തുടര്‍ന്ന് കു​റ്റാ​ലം വെള്ളച്ചാട്ട​ത്തി​ല്‍ രണ്ടുപേര്‍ മരിച്ചതിനെ തുടര്‍ന്നാണ് നടപടി. കു​റ്റാ​ലത്തിന് പുറമെ പ​ഴ​യ​കു​റ്റാ​ലം, ഐന്തരുവി എന്നിവിടങ്ങളിലും സ​ഞ്ചാ​രി​ക​ള്‍​ക്ക് വി​ല​ക്ക് ഏ​ര്‍​പ്പെ​ടു​ത്തി​യി​ട്ടു​ണ്ട്.

അ​റി​യി​പ്പ് ഉ​ണ്ടാ​കുന്നത് വ​രെ ഇ​വി​ടേ​ക്ക് വി​നോ​ദ സ​ഞ്ചാ​രി​ക​ള്‍​ക്ക് പ്ര​വേ​ശ​നം ഉ​ണ്ടാ​കി​ല്ല. ബുധനാഴ്‌ച(27.07.2022) വൈ​കിട്ട് ആ​റോ​ടെ​യാ​ണ് കുറ്റാലം വെള്ളച്ചാട്ട​ത്തി​ല്‍ അ​പ​ക​ടം ഉ​ണ്ടാ​യ​ത്. വെള്ളച്ചാട്ടത്തില്‍ കുളിയ്‌ക്കുകയായിരുന്ന അ​ഞ്ച് വി​നോ​ദ സ​ഞ്ചാ​രി​ക​ള്‍ മലവെള്ളപ്പാച്ചിലില്‍ ഒഴുക്കില്‍പ്പെട്ടു.

ഇ​തി​ല്‍ ര​ണ്ട് ​പേ​രാ​ണ് മ​രി​ച്ച​ത്. മൂ​ന്ന് പേ​രെ പ്രദേശത്ത് ക​ച്ച​വ​ടം ന​ട​ത്തു​ന്ന യു​വാ​വ് ര​ക്ഷ​പ്പെ​ടു​ത്തി. സേ​ലം സ്വ​ദേ​ശി​നി ക​ലാ​വ​തി, ചെ​ന്നൈ സ്വ​ദേ​ശി​നി മ​ല്ലി​ക എ​ന്നി​വ​രാ​ണ് മ​രി​ച്ച​ത്. ബു​ധ​നാ​ഴ്‌ച വൈകു​ന്നേ​രം നാ​ല്​ മു​ത​ല്‍ കു​റ്റാ​ലം ഭാ​ഗ​ത്ത് ചെ​റി​യ തോ​തി​ല്‍ മ​ഴ പെ​യ്യു​ന്നു​ണ്ടാ​യി​രു​ന്നു.

കേരളത്തില്‍ നിന്നുള്ള സ​ഞ്ചാ​രി​ക​ളും അ​പ​ക​ട സ​മ​യ​ത്ത് കു​റ്റാ​ല​ത്ത് ഉ​ണ്ടാ​യി​രു​ന്നു​വെ​ങ്കി​ലും ആര്‍ക്കും പ​രി​ക്ക് പ​റ്റി​യി​ട്ടി​ല്ല. കു​റ്റാ​ലം വ​ന​ത്തി​ല്‍ ശ​ക്ത​മാ​യ മ​ഴ പെ​യ്യു​ന്ന​തി​നാ​ല്‍ ഇ​നി​യും വെ​ള്ളം ഉ​യ​രാ​നും ഉരുള്‍പൊട്ടലിനും സാ​ധ്യ​ത​യു​ണ്ടെ​ന്നാ​ണ് പൊലീ​സ് നി​ഗ​മ​നം.