കൊല്ലം: കൊല്ലം ബൈപാസില്‍ പൊതുമരാമത്ത് വകുപ്പ് സ്ഥാപിച്ച 150 തെരുവ് വിളക്കുകള്‍ മന്ത്രി ജി. സുധാകരന്‍ നാടിന് സമര്‍പ്പിച്ചു. ആകെയുള്ള 415 എണ്ണത്തില്‍ അവശേഷിക്കുന്നവ സമയബന്ധിതമായി പൂര്‍ത്തിയാക്കുമെന്നും സംസ്ഥാന സര്‍ക്കാരിന്‍റെ കാര്യക്ഷമതയാണ് വികസന നേട്ടങ്ങള്‍ക്ക് പിന്നിലെന്നും മന്ത്രി ഉദ്ഘാടന ചടങ്ങില്‍ പറഞ്ഞു. അയത്തില്‍ ജങ്ഷനില്‍ നടന്ന പരിപാടിയില്‍ ഫിഷറീസ് വകുപ്പ് മന്ത്രി ജെ. മേഴ്‌സിക്കുട്ടിയമ്മ അധ്യക്ഷയായി.