സ്‌മാർട്ട് മൊബൈൽ കമ്പോസ്റ്റിങ് യൂണിറ്റ് ഉദ്‌ഘാടനം
കൊല്ലം:കേരളം നേരിടുന്ന മാലിന്യപ്രശ്‌നങ്ങൾ 2026ഓടെ ഇല്ലാതാകുമെന്നും സമ്പൂർണ മാലിന്യമുക്ത ശുചിത്വ സംസ്ഥാനമായി കേരളത്തെ മാറ്റുമെന്നും തദ്ദേശസ്വയംഭരണ എക്‌സൈസ് വകുപ്പ് മന്ത്രി എം ബി രാജേഷ്. ശുചിത്വമിഷനും കേരള മിഷനും സംയുക്ത സഹകരണത്തോടെ രൂപം നൽകിയ സംസ്ഥാനത്തെ ആദ്യ സ്‌മാർട്ട് മൊബൈൽ കമ്പോസ്റ്റിങ് യൂണിറ്റിന്‍റെ സംസ്ഥാനതല പ്രവർത്തന ഉദ്‌ഘാടനം കൊല്ലം പള്ളിത്തോട്ടത്ത് നിർവ്വഹിക്കുകയായിരുന്നു മന്ത്രി. ജൈവമാലിന്യം ഉറവിടത്തിൽ തന്നെ സംസ്‌കരിക്കുന്ന ഇത്തരം നൂതന ആശയങ്ങൾ അഭിനന്ദനാർഹമാണെന്നും ഉറവിടങ്ങളിൽ മാലിന്യ സംസ്‌കരണത്തിന് പരിമിതി നേരിടുന്ന ഇടങ്ങളിൽ സ്‌മാർട്ട് മൊബൈൽ കമ്പോസ്റ്റിങ് യൂണിറ്റിന്‍റെ പ്രവർത്തനം പ്രയോജനപ്പെടുമെന്നും മന്ത്രി പറഞ്ഞു.