കൊല്ലം : സാമൂഹിക ഐക്യത്തിലൂടെ താഴെത്തട്ടിലുള്ളവരെ മുഖ്യധാരയിലേക്ക് (MAIN STREAM) ഉയര്‍ത്തേണ്ടത് പൊതുസമൂഹത്തിന്‍റെ കടമയാണെന്ന് പട്ടികജാതി-പട്ടികവര്‍ഗ വികസന-ദേവസ്വം വകുപ്പ് മന്ത്രി കെ. രാധാകൃഷ്ണന്‍ (K Radhakrishnan). പട്ടികജാതി വിഭാഗത്തിന്‍റെ ഉന്നമനത്തിന് സാമൂഹ്യ ഇടപെടല്‍ ആവശ്യമാണെന്നും ജില്ല പഞ്ചായത്തിന്‍റെ നേതൃത്വത്തില്‍ നടപ്പിലാക്കുന്ന മാലാഖക്കൂട്ടം പദ്ധതിയുടെ ഉദ്ഘാടനം നിര്‍വഹിക്കവെ അദ്ദേഹം പറഞ്ഞു.
താഴെത്തട്ടിലുള്ളവരെ മുഖ്യധാരയിലേക്ക് ഉയര്‍ത്തേണ്ടത് പൊതുസമൂഹത്തിന്‍റെ കടമ
സാധാരണക്കാരുടെ ജീവിത നിലവാരം ഉയര്‍ത്താന്‍ ത്രിതല പഞ്ചായത്തുകള്‍ക്ക് കഴിയണം. ആദിവാസി മേഖലയിലെ വിദ്യാർഥികള്‍ക്ക് ഡിജിറ്റല്‍ ഉപകരണങ്ങള്‍ നല്‍കുന്ന പദ്ധതി വിജയകരമായി പൂര്‍ത്തിയാക്കിവരികയാണ്. സാധാരണക്കാരായ ജനങ്ങള്‍ക്ക് വേണ്ടി നൂതന പദ്ധതികള്‍ ജില്ല പഞ്ചായത്ത് തലത്തില്‍ നടത്തുന്നത് മാതൃകാപരമാണെന്നും മന്ത്രി കൂട്ടിച്ചേര്‍ത്തു.