മോഷണക്കേസിൽ കസ്റ്റഡിയിലെടുത്ത യുവാവ് രക്ഷപ്പെട്ടു

അന്വേഷണത്തിൻ്റെ ഭാഗമായി സിസിടിവി ദൃശ്യങ്ങൾ പരിശോധിക്കുകയും ദൃശ്യങ്ങളിൽ കണ്ട യുവാവിനോട് സാദൃശ്യം തോന്നിയ ചിന്നക്കട സ്വദേശിയെ കസ്റ്റഡിയിലെടുക്കുകയുമായിരുന്നു.

കൊല്ലം: കൊല്ലം ചിന്നക്കടയിയിൽ മോഷണക്കേസിൽ പൊലീസ് കസ്റ്റഡിയിലെടുത്ത യുവാവ് രക്ഷപ്പെട്ടു. നഗരത്തിലെ വിവിധ ക്ഷേത്രങ്ങളിൽ കഴിഞ്ഞ രാത്രിയിൽ മോഷണം നടന്നിരുന്നു. അന്വേഷണത്തിൻ്റെ ഭാഗമായി സിസിടിവി ദൃശ്യങ്ങൾ പരിശോധിക്കുകയും ദൃശ്യങ്ങളിൽ കണ്ട യുവാവിനോട് സാദൃശ്യം തോന്നിയ ചിന്നക്കട സ്വദേശിയെ കസ്റ്റഡിയിലെടുക്കുകയുമായിരുന്നു. സ്റ്റേഷനിലേക്ക് പോകും വഴി ട്രാഫിക് സിഗ്നലിൽ വച്ച് യുവാവ് ഇറങ്ങിയോടുകയുമായിരുന്നു. പൊലീസ് പിന്നാലെ ഓടിയെങ്കിലും യുവാവിനെ കണ്ടെത്താനായില്ല.