കൊട്ടാരക്കരയിൽ നിർമാണം നടക്കുന്ന കെട്ടിടത്തിൽ നിന്നും താഴെ വീണ് യുവാവ് മരിച്ചു

തൃക്കണ്ണമംഗൽ കാഞ്ഞിരംവിള വീട്ടിൽ മഹേഷ് (മനു-26) ആണ് മരിച്ചത്.

കൊല്ലം:കൊട്ടാരക്കരയിൽ നിർമാണം നടക്കുന്ന കെട്ടിടത്തിൽ നിന്നും താഴെ വീണ് യുവാവ് മരിച്ചു. തൃക്കണ്ണമംഗൽ കാഞ്ഞിരംവിള വീട്ടിൽ മഹേഷ് (മനു-26) ആണ് മരിച്ചത്. ചൊവ്വാഴ്ച രാത്രിയാണ് സംഭവം.

പെട്ടി ഓട്ടോ ഓടിക്കുന്ന മഹേഷ് സാധനവുമായി ഇവിടേക്ക് എത്തിയതാണ്. മറ്റ് തൊഴിലാളികളുമായി സംസാരിക്കുന്നതിനിടയിൽ കൈവരിയുണ്ടെന്ന ധാരണയിൽ വശത്തേക്ക് ചാരിനിന്നെങ്കിലും താഴേക്ക് വീഴുകയായിരുന്നു. ഉടൻതന്നെ കൊട്ടാരക്കര താലൂക്ക് ആശുപത്രിയിലും അവിടെ നിന്നും തിരുവനന്തപുരത്തെ സ്വകാര്യ ആശുപത്രിയിലും എത്തിച്ചുവെങ്കിലും മരിച്ചു. സംഭവത്തിൽ കൊട്ടാരക്കര പൊലീസ് കേസെടുത്തു. ഭാര്യ: അജിത, മകൾ: ആത്മിക.