കൊല്ലം: നിരവധി മോഷണക്കേസുകളിലെ പ്രതി അഞ്ചലിൽ പിടിയില്‍. വഹാബ് എന്നറിയപ്പെടുന്ന വിനായകനാണ് അഞ്ചൽ പൊലീസിന്‍റെ പിടിയിലായത്. കൊല്ലം, കോട്ടയം ജില്ലകളിലായി 17ലധികം മോഷണക്കേസുകളിലെ പ്രതിയാണ് ഇയാളെന്ന് പൊലീസ് പറഞ്ഞു.
അഞ്ചലിൽ നടന്ന വിവിധ മോഷണക്കേസുകളുടെ അന്വേഷണവുമായി ബന്ധപ്പെട്ടാണ് പൊലീസ് വിനായകനെ പിടികൂടിയത്. 2021 നവംബർ 12ന് ഇടയത്ത് ഒരു വീട്ടില്‍ നിന്നും ആറ് പവന്‍റെ സ്വർണ മാലയും 13,000 രൂപയും 2022 ജൂലൈ ഏഴിന് അസുരമംഗലത്തുള്ള ഒരു വീട്ടിൽ നിന്നും രണ്ട് പവന്‍റെ സ്വർണ കൊലുസും 15,000 രൂപയും മോഷണം പോയിരുന്നു.