കൊല്ലം: കൊട്ടിയത്ത് നിന്ന് പതിന്നാലുകാരനെ തട്ടിക്കൊണ്ടുപോയതിനു പിന്നിൽ സാമ്പത്തിക ഇടപാട് സംബന്ധിച്ച തർക്കമെന്ന് സ്ഥിരീകരണം. പതിന്നാലുകാരന്‍റെ അമ്മ തമിഴ്‌നാട് മാർത്താണ്ഡം സ്വദേശിയും ബന്ധുവുമായ സ്‌ത്രീയിൽ നിന്ന് പത്ത് ലക്ഷം രൂപ കടം വാങ്ങിയിരുന്നു. ഇത് തിരികെ നല്‍കാതെ വന്നതാണ് തട്ടികൊണ്ടുപോകാന്‍ കാരണമായത്.
പതിനാലുകാരനെ തട്ടികൊണ്ടുപോയതിന് പിന്നില്‍ അമ്മയുടെ സാമ്പത്തിക ഇടപാട്; ക്വട്ടേഷന്‍ സംഘത്തിലെ പ്രധാനി പിടിയില്‍
കുട്ടിയുടെ അമ്മ തമിഴ്‌നാട് മാർത്താണ്ഡം സ്വദേശിയില്‍ നിന്ന് 10 ലക്ഷം രൂപ കടമായി വാങ്ങി പണം മൂന്നു രൂപ പലിശയ്ക്ക് മറ്റൊരാൾക്ക് നൽകുകയായിരുന്നു. എന്നാൽ പലിശയ്ക്കു വാങ്ങിയ ആൾ കൃത്യമായി തിരികെ നൽകാത്തതിനെ തുടർന്ന് ഇവര്‍ക്ക് സമയത്ത് തുക മടക്കി നൽകാനായില്ല. ഇതിനെത്തുടര്‍ന്നായിരുന്നു തട്ടിക്കൊണ്ടുപോകാൻ ക്വട്ടേഷന്‍ കൊടുക്കുന്നത്. അതേസമയം, തട്ടികൊണ്ടുപോയവർ തനിക്ക് ബലമായി മയക്കുമരുന്ന് നൽകിയെന്ന് പതിനാലുകാരൻ പറഞ്ഞു.