ന്യൂഡൽഹി:ലോക്‌സഭയിൽ കാർഷിക വിപണന പരിഷ്‌കരണ ബില്ലിൽ പ്രതിഷേധം അറിയിച്ച് കേരള എം.പിമാർ. കൊല്ലം എം.പിയായ എന്‍.കെ പ്രേമചന്ദ്രന്‍, മലപ്പുറം എംപിയായ പി.കെ കുഞ്ഞാലിക്കുട്ടി എന്നിവരാണ് ലോക്‌സഭയിൽ ബില്ലിനെതിരെ പ്രതിഷേധമറിയിച്ചത്. നിലവിൽ ഓഡിനൻസിന്‍റെ അടിയന്തരാവസ്ഥയെന്താണെന്നും ഓഡിനൻസിലൂടെ കരാർ അടിസ്ഥാനത്തിലുള്ള കൃഷിയെ പ്രോത്സാഹിപ്പിക്കുകയാണ് ചെയ്യുന്നതെന്നും പ്രേമചന്ദ്രൻ ലോക്‌സഭയിൽ പറഞ്ഞു. കൊവിഡ്, ലോക്ക് ഡൗൺ സാഹചര്യങ്ങൾ മൂലമാണ് ഓഡിനൻസ് പാസാക്കുന്നതെന്നാണ് ഗവൺമെന്‍റ് സൈറ്റിലുള്ളതെന്നും അദ്ദേഹം സഭയിൽ പറഞ്ഞു. ബില്ലിന്‍റെ കൂടുതൽ പരിശോധനക്കായി ലോക്‌സഭ സ്റ്റാന്‍റിങ് കമ്മിറ്റിയിലേക്ക് അയക്കണമെന്നും അല്ലാത്ത പക്ഷം കാർഷിക മേഖലയെ ഇത് തകർക്കാനിടവരുത്തുമെന്നും ആർഎസ്‌പി എം.പി ലോക്‌സഭയിൽ ആവശ്യപ്പെട്ടു.
പ്രതിഷേധം അറിയിച്ച് കേരള എംപിമാർ