കൊല്ലം: കൊട്ടാരക്കരയിൽ യുവതിയെ കടന്ന് പിടിച്ച ഡി.വൈ.എഫ്.ഐ നേതാവ് അറസ്‌റ്റില്‍. സിപിഎം കുളക്കട ലോക്കൽ കമ്മിറ്റി അംഗം കൂടിയായ പൂവറ്റൂർ സ്വദേശി രാഹുലിനെയാണ് പൊലീസ് അറസ്‌റ്റ് ചെയ്‌തത്. ഇതേതുടര്‍ന്ന് രാഹുലിനെ സിപിഎമ്മിന്‍റെ പ്രാഥമിക അംഗത്വത്തിൽ നിന്ന് പുറത്താക്കി.
കഴിഞ്ഞ ദിവസം രാത്രിയിൽ ക്ഷേത്രോത്സവം കഴിഞ്ഞ് മടങ്ങുകയായിരുന്ന യുവതിയുടെ പിന്നാലെയെത്തിയ രാഹുൽ അശ്ലീല ചുവയോടെ സംസാരിച്ചു. ശേഷം, ഇയാള്‍ യുവതിയുടെ ശരീരത്ത് കടന്ന് പിടിക്കുകയായിരുന്നുവെന്നാണ് പരാതി. യുവതി ബഹളം വച്ചതോടെ നാട്ടുകാർ ഓടിക്കൂടിയപ്പോള്‍ പ്രതി ബൈക്കിൽ രക്ഷപ്പെടുകയായിരുന്നു.