കൊല്ലം: തദ്ദേശ തെരഞ്ഞെടുപ്പിലെ തോല്‍വിയെ തുടർന്ന് കൊല്ലം ജില്ലയിലെ കോൺഗ്രസിനുള്ളിൽ ഭിന്നത രൂക്ഷം. തെരഞ്ഞെടുപ്പ് ഫലം വന്നതു മുതല്‍ ഡിസിസി പ്രസിഡന്‍റ് ബിന്ദു കൃഷ്ണയ്ക്കെതിരെ നടക്കുന്ന സൈബർ ആക്രമണം ഇപ്പോഴും തുടരുകയാണ്. സൈബർ ആക്രമണത്തില്‍ ചില മുതിർന്ന കോൺഗ്രസ് നേതാക്കൾക്ക് പങ്കുണ്ടെന്ന് യൂത്ത് കോൺഗ്രസ് ആരോപിച്ചു. യൂത്ത് കോൺഗ്രസ് ജില്ലാ പ്രസിഡന്‍റ് അരുൺ രാജ് വാർത്താ സമ്മേളനം നടത്തിയാണ് കോൺഗ്രസ് നേതാക്കൾക്കെതിരെ ആരോപണം ഉന്നയിച്ചത്. അതേസമയം, യൂത്ത് കോൺഗ്രസിന്‍റെ ആരോപണം തെറ്റാണെന്ന് ചൂണ്ടിക്കാട്ടി കെഎസ്‌യു വാർത്താ കുറിപ്പിറക്കി.
കൊല്ലത്തെ കോൺഗ്രസില്‍ കലാപം: യൂത്ത് കോൺഗ്രസും കെഎസ്‌യുവും നേർക്കു നേർ