കൊല്ലം :ഇഡിക്കെതിരെ രൂക്ഷ വിമർശനവുമായി മുഖ്യമന്ത്രി പിണറായി വിജയൻ. കേരളത്തിൻ്റെ വികസനം തടയുക എന്നതാണ് ഇഡിയുടെ ഉദ്ദേശം. ഇഡിയെ ആർക്കും പരിചയപ്പെടുത്തേണ്ടതില്ല. അവർ എന്താണ് കാട്ടിക്കൂട്ടുന്നതെന്നും മുഖ്യമന്ത്രി പരിഹസിച്ചു. കൊല്ലത്ത് സിപിഐഎം ഏരിയ കമ്മിറ്റി ഓഫിസ് ഉദ്ഘാടനം ചെയ്യുകയായിരുന്നു അദ്ദേഹം.
കേരളത്തിൽ ഇപ്പോൾ വികസനം നടക്കുന്നത് കിഫ്ബിയിലൂടെ കിട്ടിയ പണം കൊണ്ടാണ്. കേരളത്തിന്‍റെ വികസനം തകർക്കാൻ കിഫ്‌ബിയെ തകർക്കണം. അതുകൊണ്ടാണ് ഇഡിയെ ഉപയോഗിച്ച് കേന്ദ്രസർക്കാർ ഇത്തരത്തിലുള്ള നീക്കം നടത്തുന്നത്. ബിജെപിക്കാർക്കൊപ്പം കോണ്‍ഗ്രസും അതിൽ പങ്കുചേരുകയാണെന്നും മുഖ്യമന്ത്രി ആരോപിച്ചു.