കൊല്ലം : കൊട്ടാരക്കര നെല്ലിക്കുന്നത്ത് തോട്ടിൽ വീണ് കാണാതായ നാടോടി ബാലന്റെ മൃതദേഹം കണ്ടെത്തി. മൈസൂർ സ്വദേശികളായ വിജയൻ-ചിങ്കു ദമ്പതികളുടെ മകൻ രാഹുൽ(3) ആണ് മരിച്ചത്‌. വെള്ളിയാഴ്ച രാത്രി പത്ത്‌ മണിയോടെയാണ്‌ രാഹുലിനെ കാണാതായത്.
നെല്ലിക്കുന്നത്ത് എത്തിയ നാടോടി സംഘം മൂന്ന്‌ കടത്തിണ്ണകളിലായി കഴിയുകയായിരുന്നു. രാത്രിയിൽ ഇവർ തമ്മിൽ വഴക്കുണ്ടായി. ഇതിന്‌ ശേഷമാണ് കുട്ടിയെ കാണാതായത്.
രാഹുൽ തോടിന്‌ സമീപത്തേക്ക് നടക്കുന്നതിന്‍റെ സി.സി.ടി.വി ദൃശ്യങ്ങൾ പൊലീസിന്‌ ലഭിച്ചിരുന്നു. തുടർന്ന്‌ രാത്രിയും പകലുമായി ഫയർഫോഴ്‌സും പൊലീസും കൊല്ലത്തുനിന്നുള്ള സ്കൂബാ ടീമും നാട്ടുകാരുമൊക്കെ വ്യാപക തിരച്ചിൽ നടത്തി. എന്നാല്‍ ഫലമില്ലാതെ വന്നതോടെ തിരച്ചിൽ അവസാനിപ്പിച്ചിരുന്നു.