കൊല്ലം: വില്‍പ്പനയ്ക്കായി വളര്‍ത്തുന്ന മത്സ്യങ്ങളെ സാമൂഹ്യ വിരുദ്ധർ മോഷ്‌ടിക്കുന്നതായി പരാതി. കൊല്ലം അഞ്ചൽ പാലമുക്ക് സ്വദേശി വിഷ്‌ണുവിന്‍റെ കുളത്തിൽ നിന്നാണ് മത്സ്യങ്ങൾ കവരുന്നത്. മൂന്ന് ലക്ഷത്തോളം രൂപയുടെ മത്സ്യങ്ങൾ ഇതിനകം നഷ്‌ടമായെന്ന് വിഷ്‌ണു പറയുന്നു. വിദേശത്തായിരുന്ന വിഷ്‌ണു ജോലി നഷ്ടപ്പെട്ട് നാട്ടിലെത്തി ഉപജീവനത്തിനായി ആരംഭിച്ചതാണ് മത്സ്യകൃഷി.
വിഷ്‌ണു വളര്‍ത്തുന്ന മത്സ്യങ്ങളെ മോഷ്‌ടിക്കുന്നു
സുഭിക്ഷ കേരളം പദ്ധതിക്ക് കീഴിൽ അഞ്ചൽ പഞ്ചായത്തിന്‍റെ സഹകരണതോടെയാണ് വിഷ്‌ണു മത്സ്യ കൃഷി ആരംഭിച്ചത്. ഇതിനായി മൂന്ന് ലക്ഷം രൂപ ലോണും എടുത്തു. പൊലീസിൽ പരാതി നൽകിയിട്ടും ആവശ്യമായ നടപടികൾ സ്വീകരിക്കുന്നില്ലെന്ന് വിഷ്‌ണു പറയുന്നു.