കാസര്‍കോട്: കൃഷിയിടത്തിലെ അധ്വാനത്തിന് വിപണി കണ്ടെത്താനാവാതെ കാഞ്ഞങ്ങാട്ടെ കര്‍ഷക. രാവണീശ്വരത്തെ ബാലാമണിയാണ് പാകമായി വിളവെടുത്ത പത്ത് ക്വിന്‍റലിലധികം കുമ്പളം വിപണിയിലെത്തിക്കാനാകാതെ പ്രയാസപ്പെടുന്നത്. ഒന്നാം വിള നെല്‍കൃഷിക്ക് ശേഷമായിരുന്നു ബാലമാണിയുടെ പച്ചക്കറി കൃഷി. മുന്‍വര്‍ഷങ്ങളെപ്പോലെ വെള്ളരിയും പയറും വെണ്ടയും കുമ്പളവുമെല്ലാം വിത്തിട്ടു. ജൈവ രീതിയിലെ പരിപാലനത്തില്‍ എല്ലാം യഥേഷ്‌ടം വിളഞ്ഞു. മറ്റു കാര്‍ഷിക വിളകളെല്ലാം ലോക്ക് ഡൗണിന് മുമ്പേ വിളവെടുത്തതിനാല്‍ വിപണി കണ്ടെത്താന്‍ കഴിഞ്ഞിരുന്നു.
ലോക്ക് ഡൗണ്‍ വിനയായി; കുമ്പളം വില്‍ക്കാനാവാതെ കര്‍ഷക