കാസര്‍കോട്: കാസര്‍കോട് മുഗുവില്‍ സഹോദരങ്ങള്‍ പനി ചികിത്സക്കിടെ മരിച്ചതുമായി ബന്ധപ്പെട്ട അഭ്യൂഹങ്ങള്‍ക്ക് വിരാമമിട്ട് മണിപ്പാലിലെ പരിശോധനാ ഫലം. മണിപ്പാല്‍ വൈറോളജി ലാബില്‍ നിന്നും ലഭിച്ച പരിശോധനാ റിപ്പോര്‍ട്ടില്‍ വൈറസിന്‍റെ സാന്നിധ്യം കണ്ടെത്തിയിട്ടില്ല. ബാക്ടീരിയ വഴി പകരുന്ന മെലിയോഡോസിസ് എന്ന അസുഖമാണ് മരണത്തിനിടയാക്കിയതെന്നാണ് മണിപ്പാലിലെ പരിശോധനാ ഫലം. നേരത്തെ കുട്ടികള്‍ ചികിത്സയിലുണ്ടായിരുന്ന മംഗളൂരുവിലെ ഫാദര്‍ മുള്ളേഴ്‌സ് ആശുപത്രിയിലും ഇതേ റിപ്പോര്‍ട്ടാണ് ലഭിച്ചത്. പരിശോധനാ ഫലം പുറത്ത് വന്നതു പ്രകാരം ബാക്‌ടീരിയയുടെ സാന്നിധ്യം ഉറപ്പാക്കിയതിനാലും വൈറസ് സാന്നിധ്യം ഇല്ലാത്തതിനാലും ജനങ്ങള്‍ ആശങ്കപ്പെടേണ്ടതില്ലെന്നും പുനെയില്‍ നിന്നുള്ള പരിശോധനാ ഫലം കൂടി വരാനുണ്ടെന്നും ആരോഗ്യവകുപ്പ് അധികൃതര്‍ അറിയിച്ചു.
കാസര്‍കോട് സഹോദരങ്ങളുടെ മരണം; മെലിയോഡോസിസ് എന്ന് സ്ഥിരീകരണം