തരൂരിനെ വെല്ലുവിളിച്ച് ഉണ്ണിത്താൻ: ക്രമക്കേട് തെളിയിച്ചാല്‍ എം.പി സ്ഥാനം രാജി വയ്ക്കും

സുതാര്യമായ തെരഞ്ഞെടുപ്പാണ് തെലങ്കാനയില്‍ നടന്നതെന്നും ആരോപണം തെളിയിക്കാൻ ശശി തരൂരിനെ വെല്ലുവിളിക്കുന്നു എന്നും രാജ്മോഹൻ ഉണ്ണിത്താൻ എംപി പറഞ്ഞു

കാസർകോട്: ശശി തരൂരിനെ വെല്ലുവിളിച്ച് രാജ്മോഹൻ ഉണ്ണിത്താൻ എംപി. തെലങ്കാനയിലെ വോട്ടെടുപ്പിൽ ക്രമക്കേട് നടന്നതായി തെളിയിച്ചാൽ പാര്‍ലമെന്‍റ് അംഗത്വം രാജിവയ്ക്കുമെന്നും പൊതുപ്രവര്‍ത്തനം അവസാനിപ്പിക്കുമെന്നും രാജ്മോഹൻ ഉണ്ണിത്താൻ പറഞ്ഞു. മറിച്ചാണെങ്കിൽ ശശി തരൂർ മാപ്പു പറയണം.

സുതാര്യമായ തെരഞ്ഞെടുപ്പാണ് നടന്നതെന്നും ആരോപണം തെളിയിക്കാൻ ശശി തരൂരിനെ വെല്ലുവിളിക്കുന്നു എന്നും ഉണ്ണിത്താൻ കാസർകോട് പറഞ്ഞു. രാജ്‌മോഹൻ ഉണ്ണിത്താനാണ് തെലങ്കാനയിൽ റിട്ടേണിങ്‌ ഓഫിസറായി ഉണ്ടായിരുന്നത്.