കാസര്‍കോട്: കാസര്‍കോടിനോട് വീണ്ടും റെയില്‍വേയുടെ അവഗണന. രാജധാനി എക്‌സ്പ്രസിന്‍റെ കാസര്‍കോട്ടെ സ്റ്റോപ്പാണ് നിര്‍ത്തലാക്കിയത്. ഗാന്ധിധാം എക്‌സ്പ്രസിന് കാഞ്ഞങ്ങാട്ടുള്ള സ്റ്റോപ്പും കൂടി എടുത്ത് കളയാനാണ് റെയില്‍വേ തീരുമാനം. ജനങ്ങളുടെയും ജനപ്രതിനിധികളുടെയും വര്‍ഷങ്ങളായുള്ള ആവശ്യങ്ങള്‍ക്കൊടുവിലായിരുന്നു രാജധാനി എക്‌സ്പ്രസിന് കാസര്‍കോട് സ്റ്റോപ്പ് അനുവദിച്ചത്. ഈ മാസം 23 മുതല്‍ ഇവിടെ നിന്ന് നിസാമുദ്ദീനിലേക്കുള്ള റിസര്‍വേഷന്‍ നിര്‍ത്തിയിരിക്കുകയാണ്. എന്നാല്‍ നിസാമുദ്ദീനില്‍ നിന്നും കാസര്‍കോട്ടേക്കുള്ള റിസര്‍വേഷന്‍ തുടരുന്നുണ്ട്. റെയില്‍വേയുടെ അവഗണനക്കെതിരെ പ്രതിഷേധവും ഉയരുന്നുണ്ട്.
രാജധാനി എക്‌സ്പ്രസിന് ഇനിമുതല്‍ കാസര്‍കോട് സ്റ്റോപ്പ് ഇല്ല