കാസർകോട്: മോഡലും നടിയുമായ ഷഹാനയുടെ മരണത്തിൽ ഭർത്താവ് സജാദിനെതിരായ ആരോപണങ്ങളിൽ ഉറച്ച് നിൽക്കുന്നുവെന്ന് ഷഹാനയുടെ സഹോദരൻ ബിലാൽ. ആത്മഹത്യയാണെന്ന് വിശ്വസിക്കുന്നില്ലെന്നും മരണത്തിലെ ദുരൂഹത പുറത്ത് കൊണ്ടുവരാൻ കൂടുതൽ അന്വേഷണം വേണമെന്നും ബിലാൽ ആവശ്യപ്പെട്ടു.
സജാദിന് മറ്റൊരാളുടെ സഹായം ലഭിച്ചോയെന്ന് സംശയമുണ്ട്. ഷഹാന മരിക്കുന്ന സമയം ആ മുറിയിൽ രണ്ടു ചായ ഉണ്ടായിരുന്നു. സഹോദരി ചായ കുടിക്കാറില്ല. പിന്നെങ്ങനെ മുറിയിൽ രണ്ട് ചായ വന്നുവെന്നും പല കാര്യങ്ങളിലും സംശയം ഉണ്ടെന്നും ബിലാൽ.