കാസർകോട്: ദേശീയ പതാക തലകീഴായി ഉയര്‍ത്തിയ സംഭവത്തിൽ രണ്ടു പൊലീസുകാർക്ക് വീഴ്‌ച സംഭവിച്ചതായി റിപ്പോർട്ട്. എആർ ക്യാമ്പിലെ ഗ്രേഡ് എസ്ഐ നാരായണൻ, സിവിൽ പൊലീസ് ഓഫിസർ ബിജുമോൻ എന്നിവർക്കെതിരെയാണ് റിപ്പോർട്ട്. ഇവർക്കെതിരെ വകുപ്പ് തല നടപടി എടുക്കാനും ഉത്തരവായി. രണ്ടുപേരെയും സസ്പെൻഡ് ചെയ്തേക്കും.
സംഭവം സംബന്ധിച്ച വിശദമായ റിപ്പോർട്ട് എഡിഎം ലാൻഡ് റവന്യൂ കമ്മിഷണർക്ക് കൈമാറിയിട്ടുണ്ട്. ഇതിന്‍റെ അടിസ്ഥാനത്തിലാകും മറ്റു നടപടികൾ. നിലവിൽ നടത്തിയ അന്വേഷണത്തിൽ ഈ രണ്ടുപേർക്കുമുണ്ടായ വീഴ്‌ച മാത്രമായാണ് കണക്കാക്കിയിരിക്കുന്നത്. മറ്റു അന്വേഷണവും നടന്നു വരികയാണ്.