ഇരട്ടക്കൊലപാതകത്തില്‍ പ്രതിയായ സി.പി.എം ലോക്കല്‍ കമ്മിറ്റി അംഗമായിരുന്ന പീതാംബരന് കൊലയില്‍ നേരിട്ട് പങ്കുള്ളതായി റിപ്പോർട്ട്. കൊല്ലപ്പെട്ട കൃപേഷിന്‍റെതലയ്ക്ക് വെട്ടിയത് താനാണെന്ന് പീതാംബരൻ മൊഴി നൽകിയെന്നാണ് പോലീസിൽ നിന്ന് ലഭിക്കുന്ന വിവരം. ആസൂത്രണം മാത്രമല്ല കൊലപാതകവും പീതാംബരന് നേരിട്ടാണ് നടത്തിയതെന്നാണ് പോലീസിന് നല്‍കിയിരിക്കുന്ന മൊഴി.
കാസര്‍കോഡ് ഇരട്ടക്കൊലപാതകം: കൃപേഷിനെ വെട്ടിയത് പീതാംബരനെന്ന് മൊഴി
കേസിൽ പങ്കാളിയായതോടെ പീതാംബരനെ പാര്‍ട്ടിയുടെ പ്രാഥമികാംഗത്വത്തില്‍ നിന്ന് പുറത്താക്കി
കാസര്‍ഗോട് ഇരട്ടക്കൊലപാതകം
വടിവാളും, ഇരുമ്പുദണ്ഡുകളും ഉപയോഗിച്ചായിരുന്നു പ്രതികള്‍ ആക്രമണം നടത്തിയത്. പ്രതികള്‍ ഉപയോഗിച്ച വടിവാളിന്‍റെ പിടി അന്വേഷണ സംഘം സംഭവസ്ഥലത്ത് നിന്ന് കണ്ടെത്തിയിരുന്നു. കൃപേഷിന്‍റെമൃതദേഹം തലയോട് പിളര്‍ന്ന് തലച്ചോര്‍ പുറത്തുവന്ന നിലയിലായിരുന്നു കണ്ടെത്തിയത്. കൃപേഷിന്‍റെതലയ്ക്ക് വെട്ടിയത് താനാണെന്നും പീതാംബരന് ചോദ്യം ചെയ്യലിനിടെ അന്വേഷണ സംഘത്തിനോട് സമ്മതിച്ചിട്ടുണ്ട്. പ്രദേശവാസികളും, പീതാംബരന്‍റെ സുഹൃത്തുക്കളും കൂടിയായ ആറു പേരും കൂടി കൃത്യത്തില്‍ പങ്കാളികളാണ്.