കാസർകോട് :സഹപാഠിയുടെ ശരീരം ബ്ലേഡുകൊണ്ട് വിദ്യാര്‍ഥി കീറിമുറിച്ച സംഭവത്തില്‍ വിശദമായ റിപ്പോർട്ട് സമർപ്പിച്ച് പൊലീസ്. ചെർക്കള സെൻട്രൽ ഗവണ്‍മെന്‍റ് ഹയർ സെക്കൻഡറി സ്‌കൂള്‍ വിദ്യാര്‍ഥി കെ.എം ഫാസിറിന് (15) ഫെബ്രുവരി 23 നാണ് പരിക്കേറ്റത്. 25-ാം തീയതിയാണ് ജുവനൈൽ കോടതിയില്‍ വിദ്യാനഗർ പൊലീസ് റിപ്പോര്‍ട്ട് സമര്‍പ്പിച്ചത്.
ഫാസിർ തമാശയ്ക്ക് ശല്യം ചെയ്‌തെന്നും തുടർന്നുണ്ടായ ദേഷ്യത്തില്‍ സഹപാഠി ആക്രമിയ്‌ക്കുകയായിരുന്നുവെന്നും കാണികളായിരുന്ന കുട്ടികൾ പറയുന്നു. ആദ്യം കഴുത്തിന് പിറകിലാണ് മുറിവേൽപ്പിച്ചത്. കൈ ഉയർത്തി, രക്തം തടയാനുള്ള ശ്രമത്തിനിടെ തോളിന് താഴെയും മുറിവേല്‍പ്പിച്ചു. പരിക്കേറ്റ വിദ്യാർഥി ചികിത്സയിലാണ്.