കാസര്‍കോട്: കേരളത്തിലെ ഏറ്റവും പൊക്കം കൂടിയ പാലമായ ആയംകടവ് പാലം നാളെ നാടിന് സമര്‍പ്പിക്കും. മുഖ്യമന്ത്രി പിണറായി വിജയന്‍ പാലം നാടിന് സമര്‍പ്പിക്കും. പൊതുമരാമത്ത് മന്ത്രി ജി.സുധാകരനും, റവന്യൂ മന്ത്രി ഇ.ചന്ദ്രശേഖരനും ചടങ്ങില്‍ പങ്കെടുക്കും. പുല്ലൂര്‍-പെരിയ, ബേഡഡുക്ക പഞ്ചായത്തുകളെ തമ്മില്‍ ബന്ധിപ്പിക്കുന്നതാണ് ആയംകടവ് പാലം. ഇരുമലകളെ ബന്ധിപ്പിക്കുന്നുവെന്നതാണ് പാലത്തിന്‍റെ പ്രത്യേകത. കേരളത്തിലെ ഏറ്റവും ഉയരം കൂടിയ ഈ പാലം പ്രതിസന്ധികളെ അതിജീവിച്ച് കഴിഞ്ഞ ഏപ്രിലിലാണ് നിര്‍മാണം പൂര്‍ത്തിയായത്. എന്നാല്‍ സാങ്കേതിക കാരണങ്ങളാല്‍ ഉദ്ഘാടനം നീണ്ടുപോവുകയായിരുന്നു. പ്രദേശവാസികളായ കുടുംബങ്ങള്‍ സൗജന്യമായി വിട്ടുകൊടുത്ത സ്ഥലത്താണ് പാലം പണിതത്.
കേരളത്തിലെ ഏറ്റവും ഉയരം കൂടിയ പാലത്തെ സ്വീകരിക്കാൻ ആയാംകടവ്