കാസർകോട്:കാസര്‍കോട് ജില്ലകൊവിഡ് മുക്തമാകുന്നുവെന്ന ശൂഭ സൂചന നല്‍കി കണക്കുകള്‍. കഴിഞ്ഞ ദിവസം ജില്ലയില്‍ ആര്‍ക്കും കൊവിഡ് സ്ഥിരീകരിച്ചില്ല. ഇതിന് മുന്‍പ് 2020 മെയ് 10നാണ് കാസര്‍കോട് ജില്ല പൂര്‍ണമായും കൊവിഡ് മുക്തമായത്.
2020 ഫെബ്രുവരി മൂന്നിനാണ് ജില്ലയില്‍ ആദ്യമായി കൊവിഡ് റിപ്പോര്‍ട്ട് ചെയ്‌തത്. വുഹാനില്‍ നിന്ന് വന്ന വിദ്യാര്‍ഥിയ്ക്കാണ് രോഗം സ്ഥിരീകരിച്ചത്. തുടര്‍ന്ന് മാര്‍ച്ച് 16ന് വിദേശത്ത് നിന്ന് എത്തിയ ആളില്‍ നിന്നും ജില്ലയില്‍ രോഗ വ്യാപനം ഉണ്ടാകുകയും മാര്‍ച്ച് അവസാന വാരത്തോടെ ജില്ലയില്‍ കൊവിഡ് രോഗികളുടെ എണ്ണത്തില്‍ ക്രമാതീതമായ വര്‍ധനവുണ്ടാകുകയുമായിരുന്നു.