സ്‌കൂട്ടറിൽ കാട്ടുപന്നി ഇടിച്ച് അപകടം ; വയോധികൻ മരിച്ചു

അപകടമുണ്ടായത് ചെർക്കള-ജാൾസൂർ സംസ്ഥാനാന്തര പാതയിൽ ശനിയാഴ്‌ച രാവിലെ

കാസർകോട് :കർമ്മംതൊടിയിൽ സ്‌കൂട്ടറിൽ യാത്ര ചെയ്യവെ കാട്ടുപന്നി ഇടിച്ച് റോഡിൽ വീണ് പരിക്കേറ്റ വയോധികൻ മരിച്ചു. കാവുങ്കാൽ സ്വദേശി കുഞ്ഞമ്പു നായരാണ് (60) മരിച്ചത്.

രാവിലെ ഏഴ് മണിക്കാണ് അപകടമുണ്ടായത്. ചെർക്കള-ജാൾസൂർ സംസ്ഥാനാന്തര പാതയിലായിരുന്നു സംഭവം. തലയ്‌ക്ക് ഗുരുതരമായി പരിക്കേറ്റ കുഞ്ഞമ്പു നായരെ ഉടൻ തന്നെ മംഗളൂരുവിലെ സ്വകാര്യ ആശുപത്രിയിൽ എത്തിച്ചെങ്കിലും വൈകിട്ടോടെ മരിക്കുകയായിരുന്നു.

ഇടിയുടെ ആഘാതത്തിൽ കാട്ടുപന്നിയും ചത്തിരുന്നു. പന്നിയെ വനം വകുപ്പ് ഏറ്റെടുത്ത് പോസ്റ്റ്‌മോർട്ടം നടത്തി സംസ്‌കരിച്ചു.