പുഴയിൽ കുളിക്കാനിറങ്ങിയ വിദ്യാർഥിയെ കാണാതായി

ശ്രീകണ്ഠാപുരം ഗവണ്‍മെന്‍റ് ഹയർ സെക്കന്‍ററി സ്കൂളിലെ പ്ലസ് ടു വിദ്യാർഥി സന്ദീപിനെയാണ് കാണാതായത്

കണ്ണൂർ:ശ്രീകണ്ഠാപുരം പരിപ്പായി പുഴയിൽ കുളിക്കാനിറങ്ങിയ വിദ്യാർത്ഥിയെ കാണാതായി. ശ്രീകണ്ഠാപുരം ഗവണ്‍മെന്‍റ് ഹയർ സെക്കന്‍ററി സ്കൂളിലെ പ്ലസ് ടു വിദ്യാർഥി സന്ദീപിനെയാണ് കാണാതായത്. ഇന്ന് ഉച്ചക്ക് 12.30ഓടെയാണ് സംഭവം.

ഒപ്പമുണ്ടായിരുന്ന സായൂജ്, അക്ഷയ്, സായന്ത് എന്നിവർ നീന്തി രക്ഷപ്പെട്ടു. കുളിക്കാനിറങ്ങിയപ്പോൾ പുഴയിലെ കുഴിയിലേക്ക് വീഴുകയായിരുന്നു സന്ദീപ്. പൊലീസും അഗ്നിശമന സേനയും സ്ഥലത്ത് തിരച്ചിൽ തുടരുകയാണ്.