കണ്ണൂർ:ലോക്ക് ഡൗൺ കാലം എങ്ങനെയെല്ലാം വ്യത്യസ്തമാക്കാമെന്ന ആലോചനയിലാണ് എല്ലാവരും. കണ്ണൂർ ജില്ലയിലെ ചമ്പാട്ടെ സഹോദരങ്ങളായ അശ്വാക്കും ദില്‍ഷയും ലോക്ക്ഡൗണില്‍ തേടിപ്പിടിച്ചത് ഈർക്കിലും ചുള്ളിക്കമ്പുകളുമാണ്. ആദ്യം വീടുകളുടെ മാതൃക നിർമിച്ചാണ് അശ്വാക്ക് ലോക്ക് ഡൗണിലെ കരവിരുത് പ്രകടമാക്കിയത്. തുടർന്ന് സുഹൃത്തിന്‍റെ മക്കളായ ആമി, മിയ എന്നിവർക്കായി കാറിന്‍റെ മാതൃകയും സഹോദരിയുടെ മകൻ സാത്വിക്കിന് വേണ്ടി ജീപ്പും നിർമിച്ചു. ഉപേക്ഷിക്കപ്പെട്ട കാർഡ്ബോർഡ് ഷീറ്റുകൾ ഉപയോഗിച്ചാണ് വാഹനങ്ങളുടെ നിർമാണം. രണ്ടാഴ്ചയെടുത്താണ് അശ്വാക്ക് കരവിരുതില്‍ വിസ്മയം തീർത്തത്.
കയ്യില്‍ വിരിഞ്ഞ സൗന്ദര്യം: ഈ സഹോദരങ്ങൾക്ക് ഇത് ഹോബിയല്ല