കൈക്കൂലി വാങ്ങിയ എം.വി.ഡി ഉദ്യോഗസ്ഥൻ വിജിലൻസിന്‍റെ പിടിയിൽ

വാഹനത്തിന്‍റെ ഫിറ്റ്നസ് രേഖകൾക്കാണ് എം.വി.ഡി ഉദ്യോഗസ്ഥൻ കൈക്കൂലി ആവശ്യപ്പെട്ടത്

കണ്ണൂർ :പയ്യന്നൂരിൽ കൈക്കൂലി വാങ്ങിയ മോട്ടോർ വാഹന വകുപ്പ് ഉദ്യോഗസ്ഥൻ വിജിലൻസിന്‍റെ പിടിയിൽ. അസിസ്റ്റന്‍റ് മോട്ടോർ വെഹിക്കിൾ ഇൻസ്പെക്ടർ പി.വി പ്രസാദിനെയാണ് വിജിലൻസ് ഉദ്യോഗസ്ഥർ അറസ്റ്റ് ചെയ്തത്. പയ്യന്നൂർ സബ് റീജിണൽ ട്രാൻസ്പോർട്ട് ഓഫിസിലായിരുന്നു വൈകിട്ട് വിജിലൻസ് സംഘത്തിന്‍റെ പരിശോധന.

വാഹനത്തിന്‍റെ ഫിറ്റ്നസ് രേഖകൾക്ക് കൈക്കൂലി ആവശ്യപ്പെട്ടതിനെ തുടർന്ന് പരാതിക്കാരൻ വിജിലൻസിനെ വിവരമറിയിക്കുകയായിരുന്നു. ഡി.വൈ.എസ്‌.പി ബാബു പെരിങ്ങേത്തിന്‍റെ നേതൃത്വത്തിലുള്ള സംഘമാണ് പ്രസാദിനെ കയ്യോടെ പിടികൂടിയത്.