'സംഘപരിവാർ അജണ്ട ഏറ്റെടുത്ത് നടപ്പാക്കുകയാണ് കെ സുധാകരൻ'; മന്ത്രി മുഹമ്മദ് റിയാസ്

സുധാകരന്‍റെ വിവാദ പരാമർശത്തിനെതിരെ പ്രതികരണവുമായി മന്ത്രി മുഹമ്മദ് റിയാസ്

കണ്ണൂര്‍: കെപിസിസി അദ്ധ്യക്ഷൻ കെ.സുധാകരന്‍റെ വിവാദ പരാമര്‍ശത്തിനെതിരെ മന്ത്രി മുഹമ്മദ് റിയാസ്. സംഘപരിവാറിന്‍റെ അജണ്ട ഏറ്റെടുത്ത് നടപ്പാക്കുകയാണ് സുധാകരൻ. കെപിസിസി പ്രസിഡന്‍റിന് പുതിയ വിഭജനത്തിന്‍റെ രാഷ്‌ട്രീയമാണുള്ളത്.

വിഭജനമെന്നത് സംഘ പരിവാറിന്‍റെ അജണ്ടയാണെന്നും നിസ്സാര കാര്യമല്ല സുധാകരൻ പറഞ്ഞതെന്നും സുധാകരന്‍ വിഭജിക്കാൻ വിത്തുപാകുകയാണെന്നും മത നിരപേക്ഷതയെ പൊളിക്കുകയാണെന്നും മന്ത്രി മുഹമ്മദ് റിയാസ് ആരോപിച്ചു.