കണ്ണൂർ: മട്ടന്നൂർ നഗരസഭ തെരഞ്ഞെടുപ്പ് നാളെ. ദിവസങ്ങൾ നീണ്ടു നിന്ന പരസ്യ പ്രചരണത്തിന് ഒടുവിൽ പരിസമാപ്‌തിയായി. സംസ്ഥാന നേതാക്കൾ കളം നിറഞ്ഞു കളിച്ച അങ്കതട്ടിൽ ഇന്ന് നിശബ്‌ദ പ്രചരണം.
ആകെയുള്ള 35 സീറ്റിൽ യുഡിഎഫും എൽഡിഎഫും തമ്മിലാണ് പ്രധാന മത്സരം. പതിനെട്ട് വാർഡുകൾ സ്ത്രീകൾക്കും ഒരെണ്ണം പട്ടികജാതിക്കും സംവരണം ചെയ്‌തിട്ടുണ്ട് . 111 സ്ഥാനാർഥികളാണ് ആകെ ജനവിധി തേടുന്നത്.
നഗരസഭ തിരഞ്ഞെടുപ്പിന്‍റെ എല്ലാ ഒരുക്കങ്ങളും പൂർത്തിയായതായി സംസ്ഥാന തിരഞ്ഞെടുപ്പ് കമ്മീഷൻ എ. ഷാജഹാൻ അറിയിച്ചു. രാവിലെ 7 മുതൽ വൈകുന്നേരം 6 മണി വരെയാണ് തിരഞ്ഞെടുപ്പ് സമയം. വോട്ടു ചെയ്യുന്നതിന് തിരിച്ചറിയൽ രേഖകൾ കയ്യിൽ കരുതിയതായി ഉറപ്പ് വരുത്തണമെന്നും കമ്മീഷൻ അറിയിച്ചു.